Mother’s day

Meri maan 1984 mein gujar gayin thi. Mere pita ji san 1977 mein gujar gaye the. Jab pita ji gujar gaye to ham bhaiyon ne vichar kiya ki jab tak mata ji ka jivan hai, tab tak unako har mah ek mushta nakad rakam de di jaye, taki unako kisi ke aage haath na phailana pade. Ham teenon bhai unako 1500 rupaye har maah de dete the, meri maan ko chchut thi ki ve  ham teeno bhaiyon mein kisi ke bhi paas chahe jitane din rahein, kisi ko koi etaraj nahin hoga.

 

Ve akasar tirth sthano mein jaya karati thin aur vahin rahana pasand karati thi. Banaras, Haridwar, Ayodhya, Kumbha Allahabad mein ve mahino kalpa was karati rahati thin. Meri maa jyada padhi likhi nahin thin, ve ramayan padha leti thi aur bacchon jaisi likhavat mein chitthi likha leti thi. Banaras mein jahan vah rahati thi, unake marane ke baad , kai saal tak vah kamara band raha, makan malik aakar ek mushta kiraya le jata tha, ham use dete the. Kai saalon baad mujhe banaras makan malik apane saath le gaya, maine mata ji ki sari chijen makan malik ko de din aur kewal ek Table Fan apane saath le aaya.  is table fan ko jo aaj bhi garmiyon ke dinon mein chalata hai, ko jab dekhata hun to maa ki yaad aa jati hai.

 

Mere ek mitra hain, ve apani maa ko badi galiyan dete the. Bhai bhai mein jab ladai hone lagati thi, to ve sab apani maa ko galiyan dete the, itane kharab shabdon ka prayog karake main maja nahin kirkira karana chahata.

 

Mere ek doosare mitra kahatey hain , ki “Baap sale bahut harami hote hain, ye sale meri maa ke saath sambhog karate hain , aur ham paida ho jatey hain”.

Paschim Bangal ke panchayat chunavon mein Gundadardi

Ab yah siddha ho gaya hai ki pashchim bengal mein communist khema gundon ke bal par shashan karane ki koshish kar raha hai, gundai ke bal par shashan karane ki abhilasha sabhi rajnitik dalon ko hoti hai, isaka karan hai ki sabhi rajnitik dal apane pratyashi ko jitana dekhana chahate hain, isake liye ve kuchch bhi kar sakate hain. Koi bhi harana nahin chahata. Sabhi janate hain ki chunav mein kitana paisa pani ki tarah se bahatey hain, kahin bhi chunav ho sabhi dal apani haisiyat ke hisab se paisa kharcha karate hain.

 

Yah jitane ka lalach hi gundai karane par amada logon ke liye tonic ka kam karata hai. isake liye ve har chal aur kaam karane ke liye taiyar hote hain. Pashchim bengal ka communiston ka cader yahi sab karana chahata hai.

 

Isame samvaidhanik dhang se kewal  Election commission ko aage aakar in communiston ki gundagardi par lagam lagaane ke liye  aana chahiye. Election commission kya kare ?

 

1- Pashchim banagal sarkar ko chetawani jaari kare ki ve apane karyakarataon par shikanja kasein aur bhadrata ka byohar karein, taki chunav shanti purvak aur bina hinsa ka hon.

 

2- Central Reserve Police force ke javano ko kewal duty par lagaya jay, Pashchim Bengal ki Police ka 100 % rajnitik karan ho chuka hai, ve apane aakaon ke gulam hain aur jaisa we chahenge unako karana padega, isaliye jaroori hai ki wahan par kadai barati jaye aur is tarah ki vardaton ko rokane ke liye CRPF ya doosare Para military forces ko lagaya jaye

 

3- Yadi in sab se hila hawali sarkar karati hai, to election commission ko samvaidhanik jimmedari nibhani chahiye, aur vahan ho rahe chunavon ko radda kar dena chahiye, isake pashchat election commission Rastra Pati se yah kah sakata hai ki paristithion ke sahi na hone ke karan bengal mein election nahin karaye ja sakatey hain isaliye Kendra sarkar ya chetawani jari kare ya phir rajyapal shashan ki sifarish karake chunav karaye jaye

 

Communiston ki gundagardi kisi kimat par bardashta nahin karana chahiye.

Uttar Pradesh ki Police ke encounters ka sach

Abhi main kuchch der pahale Uttar Pradesh ke Varanasi ke shahar mein teen sports persons ke encounter kiye jaane se sambandhit samachar ka avalokan SAHARA SAMACHAR TV Channel par dekh raha tha.

 

Mujhe yaad aa gaya apane patrakatita ke samay mein huye kuchch encounters ka, jo police ne mere samane hi kiye the. Mujhe dhyan hai do ya teen encounters ka , jab police ne ek nami girami gunde ko mar giraya tha. Yah bilkul theek usi tarz par tha , jaisa ki INDIA TV ke RAJAT SHARMA  ne kuchch mahine pahale GOLI MARO SALE KO  shirshak se ek live encounter ko dikhaya tha. Shayad yah pahala encounter scene tha , jab TV par sare desh ne dekha tha. Yah sahi hai, isame jitana bhi chitran kiya gaya , vah bhi sahi hai, Police jitana sach aur jhooth bole rahi thi vah bhi sach hai, karib karib jitane bhi encounters hote hain , paristhitiyan ek jaisi hi hoti hain.

 

Yah sach hai, ki UP ki Police Manvadhikar ke ulanghan ke mamale mein desh mein sabase aage hai aur number ek par hai. Isaka karan hai, ki yahan ke afasar se lekar unche ohade wale sab ke sab ghoosakhore hain. Ghoosakhoron ke mamale mein sab janate hain. Yah ek giroh ki mafik kaam karate hain, jisame Police afasar, neta, minister , mafia, gunde, najayaj kaam karane wale aur na jane kitane log shamil rahatey hain. Ye ek doosare ko aamadani karatey hain , khud bhi mauj udatey hain aur doosaron ki bhi mauj karatey hain, yah ek prakar ka chakra hai, jo lagatar chalata rahata hai. Kabhi kabhi police ek badamash ko doosare badamash se bhida deti hai, jab ek badamash doosare ko katla kar deta hai to bache badamash ko police nipta deti hai.

 

Yah haqiqat hai aue ise sabhi neta janate hain, lekin ve kuchch kar nahin sakatey, kyonki inhi netaon ko Police ke bal par Janta par shahshan karana hai. Ham koi ummid nahin kar sakate ki ye neta koi sudhar layenge.

 

Manvadhikar ayog to bekar ho chuka hai, isame koi dam nahi bachi hai, ye kewal kagaz ke sher hain, aur bekar hi bakawas kiya karatey hain. Inaki koi sunata nahin, ye khamkhah taang adaya karatey hain, aaj tak manavadhikar vadiyon ne kya kiya ?

 

Police ki manamani ko roka nahin ja sakata, isake kai karan hain, pahala sabhi police karmi apani bharti ke samay mein lakhon rupaye ghoos mein de chuke hain, jahir hai ve ghoos mein di gayi rakam ki vasuli najayaj tarike se hi karenge, sharig aadami to kuchch dene se raha, vasuli unhi se hogi jo gair kanooni kaam kar rahe honge aur apane bachav ke liye police ko sadhe rahenge. Doosara, saja ke taur par kya hoga, jyada se jyada line hazir kar diye jayenge, naukari se to nahin nikale jayenge, line hazir ka matalab hai ki police line mein din bhar gujaro aur sham ko ghar vapas chale jao, tanakhah to milegi, ghoos na sahi, upar ki kamai na sahi, naukari to bachi hai. Teesara inako kisi ka dar nahin, ghoos lene mein pakade gaye to ghoos dekar chchut gaye, yani upar ke afasar ko prabhavit kiya aur phir duty par, Chautha koi bandhan nahin, is vibhag mein hi bhrasatachari afasro ki fauj jama hai, sabhi ke muh khule huye hain, isi karan koi karya vahi nahin hoti.

 

Jab poora pharma ka pharma hi tedha ho to ise sidha karane ki jimmedari kaun lega ? Mujhe nahin lagata ki stithi kbhi sudharegi, yah vastava mein bahut ghor nirashajanak stithi hai.

America ka parasantap

Bharatiya janata apane bal boote kama kha rahi hai. Kisi tarah se desh ka har aadami kisi tarah se jugar karake apane star aur haisiyat ke mutabik kha pi raha hai, jo bhi mil khaya , mauka mila to aur behatar khan pan bana liya. Ab agar koi kha pi raha hai to yah bhi khatakane ki baat ho gayi.

 

America ke pet mein dard ho raha hai ki mahagayi vishwayapi roop se isaliye badh  gayi hai, kyonki bharat ki 33 karod se adhik janata ab behatar khana pina karane lagi hai. Ha baharatiya itane gaye gujare nahin hain ki kisi ka khan paan dekhakar hamein kudhan hoti ho, ya hamare man mein yah ave ki ham doosare ka chchin kar kha jayein.

 

America mandi mi mar jhel raha hai to yah usake apane papon ke karan hai. Khamkhah be wajah alambardar banakar ghusoge to yahi haal hoga. Jab bewajah bina samajhe boojhe kahin pil jaoge , yah sochakar ki hamare pas itane majbut sansadhan hain, to kya hoga ? Khud to mareinge aur doosaron ke liye sardard aur ban jayeinge. Asaman chchune se pahale dharati ki taraf dekho, kahin oonchi chalang maut ka daravaja na ban jaye.

 

Vishwa ke khadyanya ko behal karane ke liye bahut se factors jimmedar hain. Darasal america apani galat nitiyon ko sahi thaharane ke liye vishwa janamat ka dhyan in chchoti chchoti aur ochchi baaton par aa tikaya hai, lekin vishwa ke log itane bewakooph to nahin hain , ki ve aise kisi propaganda ki or dhyan dein.

 

America ko chahiye ki vo khud apane nagarikon ki behatari ki taraf dhyan de, sari duniya ke samrajya ko apane hathon mein lene ki tamanna bhale hi ve apane man mein rakkhe lekin pahale apana ghar sambhalkar.

Shri Lanka mein chal rahi utha patak

Shri Lanka hamara padosi mulka hai. Hindu dharma granthon mein Lanka matalab Raj Rawan ka samrajya samajah jata hai. Bhartiya sanskriti mein Lanka ek jana pahachana naam hai.

 

Kisi samay yah desh Bharat desh se juda hua tha. Jisa ki paramparayen aur dharmik granth batate hain. Is desh mein pichchale kuchch varshon se Tamil samasya ka baval chal raha hai. Prabhakaran isake pramukh neta hain. Prabhakaran kya chahatey hai ? yahi vah samasya hai jise koi bhi desh pasand nahin karega, isis karan se Narvey ne aage koi kadam madhyastata ke liye nahin uthaya. Rajiv Gandhi ne bahut utsah ke saath Shri Lanka ki samasya ke samadhan ke liye bahut prayas rat dikhe, unake oopar shri lanka ke ek sipahi ne apani banduk ki bat se sir par prahar kiya, rajiv baal baal bache , varana agar sir mein gahari chot pahunchati to unaka usi samay kaam tamam tha, lekin ve subhagya se bach gaye.

 

Saubhagya hamesh saath nahin deta. Is hamale se bache to unake oopar Litte ne hamala karaya , jise sabhi jaanate hain. Ve hame hamesh ke liye chchod kar chale gaye. Unaki suputri Priyanka Badera abhi haal hi mein apane pita ki ek hatyarin se milane chupake chori chchipe milane ke liye south india ki kisi jail mein gayi thi. Kisliye gayi thi aur kyon gayi thi , yah to vahi jane, uddeshya kya tha, kisane motivate kiya yah bhi sab vahi janati hongi.

 

Litte ab itani karyavahiyan kar chuka hai, jisase shri lanka ki sarakar shayad hi unake formule ko manein, mera khayal hai ki sarakar litte ko thaka dene wali niti par chal rahi hai, ki kitana ladenge, kitane samay tak ladenge ? Umra ki seema hoti hai, phir pata nahin jo koi doosara Prabhakaran ki jagah le, use unake followers mane ya na mane, uname hi unake sangathan mein hi darar pad jaye ya phhoot pad jaye, jisaka phayada Shri Lanka Sarkar ko mile. Isiliye Shri Lanka sarkar har us varta se kanni kaat rahi hai, jo desh mein algavvad ko badhava de.

 

Is samasya ka tatkalik koi samadhan nahin dikhata hai. Dono paksha apani jagah ade huye hain. Aise mein kahin batchit ki koi darar nahin dikh rahi hai, jo kisi samasya ka samadhan ho.

 

Vartaman mein chuhe billi ka khel chal raha hai. Shri Lanka ko ashant karane mein bhale hi litte asar dale, lekin in sabaka prabhav asardar nahin lagata hai. Shri Lanka sarkar bachav ki mudra aur attack ki mudra mein jarur nazar aati hai, aur philhal yah niti sahi lagati hai. Shri Lanka sarkar ko litte vidrohiyon se nipatane ke liye chal rahi nitiyon par hi amal karana chahiye. 

Rajya sabha mein hangama

Jab swarth ke liye aur apane phayade ke liye rajniti ki jayegi to yahi hoga. Minsiteron ka yah hall hai ki sifarish ke liye prime ministers ke office se aath aath bar reminder bheje jayein ki kaam kar diya jaye. Ek ya do dafa reminder bhejane ki baat to samajh mein aati hai lekin itani sankhya mein reminders bhejana shak paida karata hai.

 

Darasal  hamare khoon kein hi dogala pan bhar gaya hai. yah kisi e ne nahin bhara hai, yeh sab bhara hai netaon ne. Netaon ne apane swarth ke liye jitane bhi niche girane ka star tha vahan se bhi niche jane ke liye taiyar baithe hain, bas unhe vote bank chahiye, jo ikattha karake unako dubara gaddi par baitha de. Yahi khwahis har neta ki hai, ise koi kyon chchodana chahega.

 

Apana phayada kisako achcha nahin lagata, sabako apana phayada priya hai, koi ab imandar raha hi nahin hai, mujhe nahin lagata ki is vartaman pidhi mein koi imandar vyakti bacha ho, Ham sab andar se chore ho chuke hain. Jahan jisako jaisa mauka mila usane batorana shuru kar diya, yah sab hamare naitik giravat ka namuna hai. Sabhi Hindustaniyon ka yahi hal hai.

 

Ab is tarah ki chori chakari ko netaon ne manyata de di hai, isaliye yah to badhega, ise koi rok nahin payega aur na hi kabhi khatma hoga, yah bhrastachar anant kaal tak chalata rahega, kyonki ab yah hamare khun aur hamari jeans mein aakar ghus gaya hai. Is samay agar koi bhrastachar mitane ki baat bhi karata hai, to mujhe bahut habsi aati hai aur main ise duniya ka sabase bada majak kahata hun.

Nepal ke baare mein sabhi deshon ki chuppi ka matalab

Nepal mein election ho chuke hain, election ke results bhi samane aa gaye ain. Abhi tak kuchch gine chune deshon nein vahan ke halat ka jayaja liya hai. Stithi bahut gambhir ho chuki hai.

America ne apani pratikriya officially nahin bayan ki hai. Yah sach hai ki Maovadiyon ko atankvadiyon ki suchi mein daal diya gaya tha aur jin deshon mein maovadi sakriya rahe hain, vahan ki sarakaron se kaha gya hai ki ve isake khilaf jo bhi karyavahi ho sakati ho vah karein. Sanyukta rastra pahale hi atankvad vad ko avaidh ghosit kar chuka hai.

Ab chunki maovadi kisi desh mein , stta par aa chuke hon, vahan bahut soch sambhalkar koi desh apani pratikriya dega. America ne kaha hai ki vah maovadiiyon ko atankvadi sangathan manta hai, lekin ve satta mein yadi aaye hai, to ve pahale unake karya kalapon ko samjhenge, aur ve usaka intazar kar rahe hain.

Nepal ab asia k e liye ek khatarnak desh ban chuka hai. Bharat ke niyantran Nepal ke netaon se khatma ho chuka hai. Bhutan se usaka koi matalab nahin. Pakistan aur china se jaroor hai, kyonki atankvadi ek doosare ko sahayog karne ki stithi mein hai, aur yahi sabase bada sahayog hai,

Ab jo stithiyan banegi unako samajha lena chahiye. Agar maovadi satta mein aye, to sabase bada khatra Bharat ko hoga. Bharat ke alawa Asia mein America ka hastapchchep aur adhik badha jayega. America to chahega hi ki usaka dakhal Nepal mein aur jyada badhe. Maovadiyon ne isaka avasar americano ko de diya hai. America Nepal mein ghusakar China ki sidhe sidhe ghera badi karega, pakistan mein vah kar hi chuka hai, Asia mein use apane pair pasarane hai, yah use achcha mauka mil gaya hai. Atankvad ki aad lekar america Nepl par kabha jamane ka safal prayas kar lega. Iraq mein jame rahakar america asia mein ghus jaroor aya hai. ise khadedana namumkin to nahin , lekin america hatega to apani ichcha se. Pakistan se abhi vah jaldi hatane wala nahin , jab tak Osama use mil nahin jata, ab Nepal ki bari hai, ye chchote desh America ke samane kitana tik payenge?

Nischay hi maovadion ki aad lekar america nepal mein ghusega, ki use tankvad khatma karana hai, us samay Nepal ki sadakon par Maovadi nahi dikhenge, America ki sena hi nazar ayegi.

Nepal ke longo ne bahut bachakana kam kiya hai. Nepal ke logon ne apane pairon par kulhadi mari hai, isaka khamiyaha Nepal ke log to bhugatenge hi, is chchetra mein aane vale sabhi desh bhugatenge, China apani kahir manave, kahin America naam ki bimari usake border par na pahunch jaye?

Abhi sabhi desh chup hain , unhone apane patte nahin khole hain. Ve shayad dekh rahe hain ki maovadi apana kaun sa kadam aage uthate hain .

Mere hisab se Maovadiyon ko agar Nepal mein Satta sambhalini hai to ve

1- Pahale Hinsa ka rasta chchodein

2- Vishwa samuday kya chahata hai, usaka samman karein

3- Democracy ke prati samarpit hon

4- Bevajah ke takarao ko bachane ki koshish karein

5- Vartaman Raja ka samman karein, aur usako Rastra mein sammanjanak sthan dein,

6- Vipakshshi dalon ke vicharon ka samman karein

7- Desh ki janata ka ksi party ke prati kya rujhan raha, kitaney voters kis party ke rahe, jan samuday ki in bhavnaon ka aadar karein

8- Maovadi neta jo bhi bayan jari karein , unako apane bayano par sakaratamak pahal ki bhavana jhalakane ki baat samane aani chahiye

Mera khyal hai, Nepal ke sabhi neta is baat ko samajhenge. Jangalon mein rahakar andolan chalan aur sabhya samaj mein aakar Desh chalana dono juda juda batein hain.

Jyotishiyon ka mayajal

Andha vishvas sabhi deshon mein kamoveshi ek hi tarah ka hai. Kisi desh mein jyada ho sakata hai, aur kisi desh mein adhik, lekin andha vishwas hai jaroor, isaliye ki yah manav swabhav se judi hui ek tarah ki manasikata hai, jo hamein kisi na kisi roop mein santusht karati hai, bhale hi kuchch palon ke liye ya dinon ya mahinon ke liye.

 

Jyotish kuchch isi tarah ka maya jal hai. Bharat desh mein to sara kam hi jyotish par adharit hai. Janma se lekar maran tak jyotish Bharat desh mein apani jadein jamaye huye hai. kuchch had tak jyotish ka ek swaroop theek kaha ja sakata hai aur use manyata di ja sakati hai, lekin jyotish ke kai pakshshon ko swikrat ya manya nahin kiya ja sakata hai.

 

Yah sahi hai ki grahon ki chal space mein kahan par hai, kitani hai, kis speed par hai, kaun si rashiyon mein hai, Grahon ki is chal ke vibhajan ka swaroop manya kiya ja sakata hai, lekin jab jyotish ka prayog prediction ke liye upayog kiya jata hai to yah bahut kuchch swikar aur manya nahin kiya ja sakata hai. Isamein khamiya hi khamiya hain aur sachai kuchch bhi nahin hai. Ho sakata hai ki 1000 vyaktiyon mein kisi ek ko kuchch prapta ho gaya ho, jaisa ki jyotishiyon ne  bataya ho, lekin aisi sambhavana  achanak hi ho sakati hai ISE BY CHANCE BHI KAH SAKATE HAIN.

 

Maine Jyotish ka bahut gaharayi se adhyan kiya hai, sabhi prapta classical books ka adhyayan kiya hai , Hindi aur english bhasa ki jyotish vishayak pustakon ka soochchma se soochchma adhyan kiya hai, lekin prayah sabhi pustakon mein kuchch general prediction, jinhen ham common prediction kah sakatey hai, kuchch seema tak sahi ho sakata hai, lekin isake alava koi vishesh baat jyotishi nahin bata sakatey hain.

 

Jyotishion ke paas bahut se bahaney hain, ek yah ki “aapaki kundali sahi nahin bani hai” doosara, “Apaka birth time theek nahin hai, galat ho sakata hai”, teesara”Kundali banane ke ayanamsa mein farka hai, banaras ka patra aur mumabi ke patre mein fark hai” chautha “birth place galat hoga, usaki stithi ka theek se shodhan nahin kiya gaya hoga”, tarah tarah ke bahanein banaye jate hain, aisa isaliye ki ve aapake aage jhukane ya jyotish ki kamiyon ko ujagar karana nahin chahatey hain. Ek jyotishi dusare jyotishi ko saport karata hai, doosara teesare ko aur yah silsila logon ko ulloo banakar apani jebein bharane tak barabar chala karata hai.

 

Jo inake pas jata hai, vah kuchch dinon tak apane man muaafik kaam ke liye bhatakata rahata hai aur apane bure samay ko jab tak tal raha hai tab tak talata rahe, is siddhant par chalata rahata hai. Jab kaam nahin banata to phir kisi doosare ki sharan mein jata hai. yah silsila chalata rahata hai.

 

Maine jyotish ka adhyan bhi kiya aur jyotis visharad ki pariksha bhi uttirn ki, isaki practice bhi ki aur badi ganit lagayi, jaisa maine oopar kaha hai, prediction sahi sahi kabhi nahin kiye ja sakatey.

 

Mujhe doosare jyotishion ne meri kundali dekhakar RAJ YOG bataya tha, bade bade sapane, ye hoga , vo hoga, phalani umra mein yah samrajya mil jayega, aisa bada kaam ho jayega ki aap ashcharya karenge, yahi lolly pop jyotish ke dekhatey dekhatey 64 varsh bit gaye, kuchch nahin hua, jama punji bhi chali gayi, ladke, ladkiyon ki shadi mein jamin jaydad aur gahane jewar tak bechane pad gaye, jyotishion dwara bataye gaye sare kaam phel ho gaye, kisi mein bhi safalata nahin mili, ant mein mujhe is umra mein naukari karani pad rahi hai, ye sab kisi jyotishi ne mujhe nahin bataya tha.

 

Ab main puri tarah se ishwar ki sharan mein hun, kyonki yah satya mujhe gyat hua ki , jo oopar wala chahega wahi hoga, wahi kewal bhagya janata hai, use hi pata hai ki kya hoga aur kya hone wala hai, isaliye hame sab kuchch usi par chchod dena chahiye aur apane karma mein ji jaan se jute rahana chahiye. Phal uparwale ke haath mein chchod dena chahiye.  

Ayogyata hi yogyata ka parameter

Aarakshan hona aur arakshan karana bharat desh ke liye bahut badi bimari hai. Jis uddeshya  ke liye arakshan samvidhan ke undar samahit kiya gya tha, us samay isaki mool dharana  yahi thi ki , dabe kuchale logon ko kanun banakar aage laya jay, isake liye  is bhavana ko kanuni jama pahanaya gaya. Samvidhan mein ise kewal das varsh ke liye lagu kiya gaya tha, lekin  baad mein is bhavana ko vote bank ke liye jode diya gaya.

 

Jativadi rajniti ka sabase pahale aagaz Chaudhari Charan singh ne shuru kiya. Unhone pahali baar Police vibhag mein Jaton ko khub achchi sankhya mein bharati kiya aur baki samaj ke logon ko ullu banatey rahe. Chaudhari Charan singh pahale opportunist neta bane, jinhone apane phayade ke liye congress chchodi aur Bartiya Kranti Dal ke naam se parti banayi, jisane sabase pahale is desh  mein chchetravad ki rajniti shuru ki. Yah bimari shuru karane ka shreya Chaudhari Charan singh ko dena chahiye, ab yahi bimari infection ki tarah se sare desh mein fail chuki hai.

 

Aarakshan kya shuru hua , ab to sabhi jatiyan arakshan maang rahi hain. Yah maang kahan tak jeyegi, isaka koi ant nahin dikhai deta. Lekin Arakshan sabke liye khatarnak hai, swayam unake liye bhi jinako yah mil raha hai. Sarakari naukari mein stithi jo bhi ho, main usake baare mein jyada nahin kahoonga, lekin yadi private sector ki baat ki jaye to yahi aarakshan unake liye jaharila sabit hoga, kyonki jo koi bhi employment dega , vah yah bhi chahega ki usaka employee bahut kabil ho aur unake vyapar aur paisa kamane ke liye upayukta vyakti sabit ho. Efficiency private sector mein bahut jaroori hai, apane yahan kaun bevakoof aadami ko naukari par rakhana chahega. Sarkar agar kuchch karegi to adhakachare gyan vale ki samsya se kaun nipatega, isaliye sarkar bhi har kadam phoonk phoonk kar rakh rahi hai.

 

Main jahan kaam karata hun, ve OBC ko belong karate hain. Ye sab arakshan ka phayada utha rahe hain. Ye kreamy layer vale log hain, jinaki rahan sahan ka star achche achche sawarno ko bhi nasib nahin hai. Aise logon ko yadi supreme court arakshan ke dayare se bahar karana chahata hai, to sarkar ko koi etraj nahin karana chahiye.

Nepal ki chhichhaledar

Nepal ke nivasi bhale hi socha rahe hon ki ve Raj tantra ko khatma karake koi bada tir mare le rahe hain to yah unake liye ek bahut kharab sapane jaisa hi sabit hoga. Vastavikata yah hai ki jo bhi chunav huye hain, ve sab ke sab is baat ko lekar huye hain ki Raja ko kaise hataya jay. Is baat ko lekar sari takat jhonki gayi aur yahi ek sutri karya kram tha. Yahan Nepal ki janata se sabase badi bevakoophi yah hui ki usane jo bhi matadaan kiya vah sidhe sidhe democracy ke khilaph diya, aur Rajshahi ke against mein diya.

 

Rajtantra khatam karake Nepal ne apane pairon aap kulhadi mari hai. Mao vadi sare nepal ko loot khasote karake kngal bana denge, yeh to khud hi bhukhe nange hain, bhukhe nange the , ab jab yah satta mein aa rahe hain to loot khasote to machayenge hi. Inhe koi aisa karane se rok bhi nahin payega. Vaise bhi nepal ke paas Prakratik sansadhan bahut achche nahin hain, Parvatiya desh hone ke karan yahan samatal bhumi bhi nahin hai, jo bhi hai vah , bharat ki sima se lagi hai, jangal hain aur prakratik vatavaran hai, isake alava kuchch bhi nahin hai.

 

Kuchch saal poorva nepal se taskari hoti thi, bahut sa saman videshi bharat ke bazaron mein aya karata tha, lekin global market ke chalatey isaka bhi potential khatma ho gaya hai. Ab sabhi deshon ka saman sabhi jagah mil jata hai, isliye yah sambhavana bhi na ke barabar hai, ki nepal se taskari ki ja sakati hai. Industries vahan hai nahin, jo bhi hain , ve antarrastriya star par ho rahe mukabale ko comptete nahin kar sakati. Shiksha ka star bagut kharab hai, swasthaya sewayein bhi bas mashaallah hain.

 

Is uthal puthal ke bich koi bhi niveshak aise anischitata ke mahol mein apana kimati paisa kyon lagayega aur ayon lagana pasand karega ? Is desh mein nivesh karana khatare se khali nahin hai, kab maovadi ultimatum de dein ki hamara desh khali karo. Is liye suraksha ki gauranti kaun dega ?

 

Maovadi loot, khasote, mardhar, nangai, luchchai ki manasikata vale log hain. inake upar  vishwas nahin kiya ja sakata hai, ye chahe kitana bhi vishvas dilayein, in par bharosa katai nahin kiya ja sakata hai, inake bade se bade neta kuchch bhi kahein, inhe baat badalatey der nahin lagegi. Phir neta ki baat kaun sunega jab asali kaman maovadi cadre ki ho. Akhir maovad jinda rahega to unake karyalrtaon par, neta akele kya kar lega.

 

Mujhe shak hai ki Nepal kabhi tarakki kar payega, kyonki Vishwa biradari main, is samay maovad ka kahin bhi sthan nahin hai. Jinake haath mein satta ayegi, ve Democracy ke viparit dhruv ke manane wale log hain. Jo bhi referendum napal ke logon ne diya hai, vah rajtantra ke khilaf gaya hai, jisake sath mein democracy bhi shamil hai. Isaka matalab yah nikala jay ki nepal ki janata ne Democracy ke khilaf bhi vote kiya hai. Dhyan dein, ki maovadi kabhi bhi democracy par vishwas nahin karate hain.

 

Adhiktar nepal ka vyapar marvariyon ke haath mein hai. pahle to taskari aur paryatan se aay hoti thi, lekin ab isaki bhi ummid khatma ho gayi hai. Paryatak ab apane aapako  asurakshit samjhenge, pata nahin kab maovadi unaka apaharan kar baithein , aur unako chchodane ke badale mein ool jalool maang kar baithe. Ab taskari karane ka bhi koi potential nahin rah gaya hai, sivay un chijon ke, jo pratibandhit hain, jaise ki Hathiyar.

 

Kul milakar Nepal Desh ke haalat bahut sukhamay nahin kahe ja sakatey hain. Aane wale dinon mein Nepal bahut bure daur se gujarega, yah ashanka balavati hoti ja rahi hai.

 

Ham kya karein:

1- Maovadiyon ke aane se nishchay hi bharat ke maovadion ke hausaley badha chuke hain, inhe apane hi desh ke chand rajnitik dal hava dene mein bhi lage hain. hamein turant Nepal ki seema par taron ki baad lagakar nepal se lagi sari seema ko band kar dena chahiye aur Border security force ki tukadiyan lagakar avajahi rok deni chahiye, is ghuspaith se hamein khatara hi sakata hai. Jis tarah se Netaon ke bayan aa rahe hain, usase yahi lagata hai, hamein aaj nahin to kal yah kaam karana padega, isaliye behatar hai, bad ka kam jaldi se jaldi kar liya jay

2- Hathiyaron ki taskari nepal se bdhegi, ise roka jana chahiye

3- apane desh ke maovadi ugravadion ko chori chchupe nepal ke maovadi sahayata jaroor pahuchane ki koshish karenge, inake neta chahe jo bhi kahein, in par bharosa nahin kiya ja sakata hai.

Nepal ki janata ne Maoadiyon ko satta mein lakar apane pairon aap kulhadi mari hai, yahi janata bhale hi aaj khush ho, lekin aane wale dinon mein unake liye sankat hi sankat hain, kyonki vishwa viradari  aur visheshkar prajatantrik desh maovad ke khilaf hain aur ise koi bhi prajatantrik desh phalane phoolane nahin dena chahata hai.

Mujhe to nepal ke barbadi ke lakshan samajh mein aate hain