Aaj 14 tarikh hai, jahir hai dil mein kuchch kuchch masti si aa rahi hai. Yah yakinan valentine ka asar hai. Main aaj apani 65 varsh ki patni se valentine karoonga aisa maine socha hai. Sochata hun usako kaise kahun, ” ki mujhe tumase bahut pyar hai, aur main tumhare bina nahin rah sakata.”
Ye bhi koi kahane ki baat lagati hai. 16 saal ki umra mein ,meri shaadi hui thi. 48 varsha meri shadi ke ho chuke hain. ham ek doosare ka bahut khyal karate hain. main thoda laparvah hun , lekin meri valentine bahut careful hai. mera bahut khyal karati hai. jaise sabhi miya bibion mein jhagada hota hai, hamare bich mein bhi hota hai. Gussa karana, chillana, jid karana yah sab mahilaon ke lakshan hain. Yah inaki aadat hai. Purush ke liye ek sootra vakya hai ”kam khana aur gam khana, mardon ka kaam hai”. Jisane yah sootra nahin choda , vah jindagi ke lambe safar mein aaram se chalata chala jeyega.
Ek sher likhata hun:
“Jo hichkicha ke rah gaye, vo rah gaye idhar,
Jisane lagai ed, vah khandak ke paar hai”
