America Iraq mein kya kare ?

America bahut buri tarah se Iraq ke maya jal mein fas gaya hai. Jitana hi america isase bachane ka rasta nikalata hai, utana hi wah usamein fas raha hai. Yah ek aisa daldal hai, jisamein  america ke bahar nikalnein ke sare rastey band ho chukein hain. Aisi sthiti mein america kya kare, yah sabase aham sawal hai ?

Jis tarah ki rajaniti Iraq mein ki ja rahi hai, wah bahut khatarnak  stithi mein hai. America yah samajh chuka hai ki vah  military ke bal par Iraq mein nahin rah sakata hai. Der saber usey koi na koi  kathaputali sarkar shashan chalaney ke liye chahiye. Aisa nahin hai , ki usey apani marji ke neta nahin milenge. Milenge, lekin inhe dhoondhana, phir sthaphit karana, phir janmat banana aur apani marji ki sarkar banwakar chalana bada hi durooh karya hai.

Vartaman mein jis tarah se sarkar kary kar rahi hai, ise santosh janak kah sakatey hain. Iraq ko isi tarah se chalana chahiye. Raftar jaroor dhimi hai, lekin thik samajh mein aati hai. Jaise jaise Iraqi samaj , naye daur mein dhalane lagega, vastu stithi se roobaroo hoga, sahi baat samjhaney lagega, to bhale hi wah america ko samarthan na dey, lekin sarkar ko sakaratmak aur nakaratmak dono hi samarthan milaney ki sambhavnayein jagrat hongi.

Philahal, america ka  yahan koi bahut nukasaan nahin hai, sivay sainikon ki mrityu dar ko lekar. Lekin yahan bhi  america ko bahut fayada hai. Pahala Iraqi Petrol ke kuyein usake adhikar chchetra mein hain. Doosara america apaney yahan ke vikasit ladai ke hathiyaron ka safal parikshan karaney ke liye Iraq jaisi laboratory mil gayi hai, jahan par vah apaney vinashakari hathiyaron ko aajama raha hai. Teesara isi bahaney se america Asia mein jama hua hai , jo mushlim deshon ke liye kisi khatarey ki ghanti se kam nahin hai. America to bas fayadey aur fayadey aur fayadey mein hai.

To phir nukasaan kisaka hai ? Nishchaya hi nukasaan Iraqi janata ka hai. Iraqiyon ko kya mil raha hai ? ve sochein aur vichar karey. America jaisi beemari se Iraqi janata jitani jaldi chchutakara prapta kar ley, utana hi achcha hai. Iraqi janata ko chahiye ki ve badali hui paristhiton ko swikar kare, aur ek naye suryodaya ke saath apne desh ka punah nav nirman kare. Isi mein Iraqi Janata ki bhalayi hai. Der saber Iraqiyon ko yahi karana padega, kyon ki unake paas isake alava koi doosara rasta nahin hai.

एक उत्तर दें

Fill in your details below or click an icon to log in:

WordPress.com Logo

You are commenting using your WordPress.com account. Log Out / बदले )

Twitter picture

You are commenting using your Twitter account. Log Out / बदले )

Facebook photo

You are commenting using your Facebook account. Log Out / बदले )

Google+ photo

You are commenting using your Google+ account. Log Out / बदले )

Connecting to %s