Kidney Racket : Sab aparadhi bach jayenge

Jis tarah se Kidney rackets samney aaya hai, yah koi nai baat nahin hai. Isase bade bade racket samane aaye, jab aaye tab khub hangama macha, kai kai dinon tak unhi rackets ki charcha hoti rahi, baad men sab tay tay fisssss ho  gaya. Akhabar navis kalmein likhatey likhate ghis gaye, lekin stithi jahan ki tahan dhari ki dhari rah gayi. Rojana ham rachets ke baare mein padhatey rahatey hain, hota kuchch bhi nahin.

Jyada door kyon jaate hain, Bofors ka udaharan le lijiye. Jis paise ke liye maramari aur sar futavval ho rahi thi, vo sara paisa quatrochi apane khate se na janein kab nikal chuka hai. Ab bacha kya hai sivay lakir pitaney ke. Sabhi bhartiya lakir hi peetatey raha jaate hain, kyon ?

Nitish Katara ka mamle le lijiye. Jesica Lal ka Mamla le lijiye. Tandoor Kand ka mamle lelijiye. Hazaron aise mamle hai jinmein kya hua, ham aap sabhi jaante hai. Nithari Kand ka mamla le lijiye, ismein saja hote hote ho sakata hai koi muljim Khuda ko pyara ho jaye.

Hamari Kanoon vyavastha bahu aur had darje ki lachar hai. Jab mukadmein 25- 30 saal tak chalenge, to yahi sab hoga. Isaka phayada yahi sab scammers uthate hain. Ve jante hain ki kuchch bhi nahin hone wala, kuch shuruaati dinon tak to badi teji dikhayi deti hai, phir sab dhilepad jaate hain. Kyonki ve bhi jaante hain ki maamla agar kanooni dawpench mein chala to sab baal ki khal nikalney mein vyast ho jayeinge aur dhire dhire samay beetata chala jeyega, tab tak dochaar longo ki maut ho chuki hogi aur saari mushkil ka theekara unhi ke palle phodakar sab bach jayeinge. Yahi hota hai aur aage bhi hota rahega.

Bhartiya nyaya vyavastha mein bahut si kamjoriyan hain, jisaka phayada Kidney Rackets walon ko jaroor milega aur jahan tak mera manana hai , shayad hi kisi asar aur rasokh wale vyakti ko saja ho, kyonki mamala itana pechida hai ki ise suljhane aur samajhane mein hi mahino laga jayeinge. Court mein tarikhon ke alava shayad hi koi thos kaam ho.

Mujhe nahin lagata ki bahut jaldi kisi ko saja hogi. Vastvikata yahi hai ki hamari nyayik vyavstha bahut kamjor hai. Jahan 20-30 saal mein final nyay mile wahan hamein jyada ummid nahin karani chahiye.

एक उत्तर दें

Fill in your details below or click an icon to log in:

WordPress.com Logo

You are commenting using your WordPress.com account. Log Out / बदले )

Twitter picture

You are commenting using your Twitter account. Log Out / बदले )

Facebook photo

You are commenting using your Facebook account. Log Out / बदले )

Google+ photo

You are commenting using your Google+ account. Log Out / बदले )

Connecting to %s