Raj Thakre ke bawal ka matalab

Yah sab to ek na ek din hona tha. Ek Rajya mein haram khori hogi aur doosare Rajya mein samraddhi, to swabhavik hai ki, chahe desh ka samvidhan kuchch bhi kah raha ho, jis tarah se  Mumbai mein ho raha hai, vah inhi dushparinamon ka parinam hai. Sabhi jante hai, Bihar Rajya ka hal, sab kuchch hote huye bhi is rajya ko aise hathon ne netratva diya jo na sirf Mafia girohon ke phalane phoolane ke gulshan ke liye jana jayega, balki naxalwad ko badhava dene  ke liye bhi. Isi Rajya ne shuru se hi bahut ulat pher kiye hain aur parinam sabake samane hai. Poorvottar rajyon mein bhi yahi hal hai aur aaye din koi inhi baton se judi khabarein aati rahati hain.

Yadyapi desh ka samvidhan kisi bhi nagarik ko doosare rajyon mein jane basane athava vyavsay karane ki swatantrata deta hai, lekin jab is swatantrata ka durupyog hoga to yahi sab samane aayega. Kya yah samajha jay ki yadi Uttaranchal ki aadhi aabadi Maharastra Mein bas jaye , to wahan ka kya hal hoga ? Kal ko Uttaranchal mein Adha Madhya Pradesh Bhar jaye to kya hal hoga ? Hamare Samvidhan nirmataon ne yah kabhi nahin socha hoga ki yadi aisa hua to kya hoga ?

Kuchcha maah pahale, Delhi ki Chief minister Smt Sheela Dixit ne jab yah kaha ki, delhi ke ander ho rahi samasyayon ki ek vajah Bihar se ayye logo ki baarh se ho rahi hai, to sabane bahut ho halla machaya tha. Baad mein Shila Dixit ne maafi mang karake stithi ko sambhala tha. Vyaktigat taur par main Shila Dixit aur Raj thakre ki baton se ittefaq rakhata hun, lekin kuchch nuktachini ke saath.

Yadi sabhi Rajya apane yahan itane sansadhan jutayein , jisase aabadi ka palayan roka jaye, tabhi is tarah ki napasand baton se chchutakara mil sakata hai, anyatha yah sab hota rahega aur dhire dhire yah ek rajnitik mudda banega, jise koi bhi nahin rok sakega. Abhi samay hai in sab galatiyon ko durust karane ka. Lekin lagata hai netaon mein in sab muddon ko suljhane ki ruchi nahin hai.

एक उत्तर दें

Fill in your details below or click an icon to log in:

WordPress.com Logo

You are commenting using your WordPress.com account. Log Out / बदले )

Twitter picture

You are commenting using your Twitter account. Log Out / बदले )

Facebook photo

You are commenting using your Facebook account. Log Out / बदले )

Google+ photo

You are commenting using your Google+ account. Log Out / बदले )

Connecting to %s