Chir-nidra aur chir-shanti

A tribute to my Samdhin ji, Mrs Dev Shanker Shukla.

Log dekhate hi dekhate yah duniya chchod kar chale jaate hain. Dopahar mein 1 baje mujhe Mumbai se mobile dwara unase baat karane ka mauka mila aur sham 4.45 par pata chala ki unaki maut ho gayi.

Mujhe bahut afasos hua. Ab isake siva main aur kar bhi kya sakata hun. Chir nidra mein ek na ek din to sabhi ko jana hai. Bahana kuchch bhi ho, yah to kaudarat ka karishme hai. Hamame se sabhi ko is nashwar vishwa se ek na ek din to jana hi hai. Yah silsila sanatan yugon se chala aa raha hai. Yah satya hai, jise kabhi bhi jhuthalaya nahin  ja sakata. Ek din neend na aave to kya haal hota hai. Chir nindra mein to jaane se sab achcha hi achcha hota hai. Marane se kya darna.

Jab chir nindra poori hogi to jahir hai chir shanti milege. Rojana ham sabhi hay hay aur kit kit se jujhate rahtey hai, man ko tan ko kabhi bhi shanti nahin milati. Chir nindra ke saath swabhavik hai chir shanti bhi milegi.

Ham jantey hain ki ek na ek din is sharir se mukti paani hai. to ham chchodakar jane walon ke liye rote kyon hain aur bilakhate kyon hai. Isake sath hamari bhavanayein judi hain. Koi Bachcha marata hai to afsos hota hai kyonki hamari bhavanayein usake janma se lekar usaki shadi vyah shiksha ghar grahathi ke saath jud jati hain. Akal mrityu se taklif hoti hai, kyonki hamane jo kalpanayein ki hain ve poori na ho saki. Isaliye ham dukhi hote hain ki hamare sapane us marane wale ke saath pure nahin huye . Isaliye dukhi hote hain ki hamara man maya moh ke chakkar mein bandha hua aur inhi ke ird gird ghumata rahata hai.

Jab dhire dhire Maya moh ke chakkar se ham chchutate hain to man nirvikar hota hai. Jisane yah gyan aur bhavana apana li use phir chirnindra aur chir shanti prapta karane mein kya preshani ?

एक उत्तर दें

Fill in your details below or click an icon to log in:

WordPress.com Logo

You are commenting using your WordPress.com account. Log Out / बदले )

Twitter picture

You are commenting using your Twitter account. Log Out / बदले )

Facebook photo

You are commenting using your Facebook account. Log Out / बदले )

Google+ photo

You are commenting using your Google+ account. Log Out / बदले )

Connecting to %s