Nepal Ke halat bigarane wale Rajneta

Nepal hindustan aur china ke bich mein stithi ek rastra hai. yah durbhagya ki baat hai ki chand sirphire tathakathit rajnitigyon ne is desh ki chchichaledar karake rakh di hai. Yahan main Prachand naam ke rajnitigya ki baat kar raha hun. Yah mujhe parle darze ka bewkoof rajnitigya lagata hai, jise na to Rajniti ki samajha hai aur na kutniti ki. Ise na to rajnitik maryadaon ka palan karana aata hai aur na apani jaban par control, jo aata hai muh mein , wah bak raha hai.

 

Is tarah se kisi bhi desh ki rajniti nahin chalati, na gundai ke bal par aur na dabangai ke bal par. Isaki history dekhi jay to yah kisi atankwadi se kam nahin hai. Main Maowadion ko atankwadi hi kahata hun. Jo is tarah ka vyovhar karate hain ve , alag thalag pad jate hain , yah prachand ko nahin bhulana chahiye. Subhash Chandra Bose ka yahi haal hua tha, jab unhone congress ke garam dal ko netratwa dene ke liye congress ko chchod diya tha. Baad mein sabako pata hai ki unhe kya mila.

 

Garam mijaj sab jagah kaam nahin aata, yah maowadion ko Telagana ke movement se samajhana chahiye. Bharat sarkar maowadion ke saath isaliye narmi se pesh aa rahi hai, kyonki wah unhe sudharane ka mauka de rahi hai aur mukhya dhara mei lane ka prayas kar rahi hai. Nepal ki stithi bilkul juda nahin kahi ja sakati, kyonki atankwad duniya ke kisi bhi kone mein ho, atankhi kaha jayega.

 

Prachand ki yah maang, ki Nepal Naresh ko shahi mahal khali karake sadak par aa jana chahiye, ek parale darze ki bewakoofi se bhari hui maang hai, jisaka koi auchitya nahin. Ek desh ke poorva Raja se is prakar ka byovhar karan katai sweekar nahin kiya jana chahiye.

 

Maowadion ko samajhana chahiye ke ab unhe jo bhi karana hai, vah  Nepal ki janata ke liye karana hai. Kyonki abhi tak ve jo bhi ladai kar rahe the vah vayavastha ke khilaf thi, Prachand ab swayam janata ke hiton ke liye kaam karein , vahi apani Prachandata dikhayein aur Nepal ko Asia ka sabase bada model desh banane ka prayas karein, isake liye ve agar takat lagayein to yah kuchch mayane mein sweekar kiya ja sakata hai.

एक उत्तर दें

Fill in your details below or click an icon to log in:

WordPress.com Logo

You are commenting using your WordPress.com account. Log Out / बदले )

Twitter picture

You are commenting using your Twitter account. Log Out / बदले )

Facebook photo

You are commenting using your Facebook account. Log Out / बदले )

Google+ photo

You are commenting using your Google+ account. Log Out / बदले )

Connecting to %s