Ab aayega maja, Dekho Raj Thakare aur Lalu yadav ka khel

Jab se khabar suni hai ki lalu yadav aur Raj thakare dono ke bich mein aichatani chal rahi hai aur media mein ek doosarey ko pachchadane ki baatein chal rahi hai, usase man mein utsukata hona swabhavik hai.

 

Raj Thakare ke Tau/ Chacha Shri Bala saheb ji Thakarey ne lalu yadav ke bare mein ek tippani ki thi ki ” Ve  [Shri Lalu Prasad ji Yadav]   Bharatiya Rajniti ke masakharey hai”. Baat mujhe satik lagati hai. Yah masakhara pan nahin to aur kya hai ?

 

Hamein samajh lena chahiye ki jis tarah ki rajniti Mumbai mein ho rahi hai, usaka phayada Raj Thakarey ko hi milega, inake khilaf jitana bhi doosarey dal wale chillayenge , ho halla machayenge aur dharana pradarshan karenge, usase Raj Thakarey ke samarthakon  ka hausala badhega, aur maharastrianvad vahan ke logon ke andar yah sab dekhakar badhega. Abhi tak  jaisa dekha ja raha hai, is samasya ko samajhdari se nipatane ke prayas gambhirata poorvak nahin kiya ja rahe hain. Sochana hoga kia Yah takarane ka samay nahin hai. Takarane se vahan ke sthaniya nivasiyon ke bich galat sandesh jayega, aur ve yahi samajhenge ki unhe hi dabaya ja raha hai, aur unaki jayaj mango ko sarakar nahi sun rahi hai. Is manovigyan ko samajhana chahiye.

 

 Chunautiyan dono taraf se di ja rahi hain, chup baithane wala koi nahin, dono taraf se takat dikhane ka kram jari hai. Hame sochana chahiye,  kya yah takat dikhane ka samay hai?  agar aisa ahasas hua to takat dikhane ke liye maharastriyan ek saath utha khade honge, is stithi ko samajhana hoga.

 

Mere vichar se dono logon ko sanyam se kaam lena chahiye. Raj Thakare bahut door tak soch vichar kar chalane wale raj neta hain , aisa mera manan hai, unhe aparipkva rajneta samajhane ki bhul nahin karani chahiye, agar unhone koi mudda uthaya hai, to use samajhana chahiye ki “problem” kya hai ? Takarav se takarav badhega, yah to lajimi hai. Takarav se takarav ko badhana, bevakoophi ka kaam hai, isaliye behatar hai takarav ka rasta na apanaya jay. Laloo yadav takarav ka rasta apanana chahatey hai, yah galat sabit hoga. Laloo yadav ka kahana ki, “chchat pooja ve Raj Thakarey ke ghar ke samaney karenge” maharastravasiyon ko chunauti jaisa lagega. Yah logon ke dimag mein uttejana bharane wali bhasa hai. Laloo yadav ek paripkva rajneta hain, unako is tarah se bhadakane wale bayan nahin dena chahiye.

 

Rajniti ka usool hai ki rajniti ka jawab rajniti se dena chahiye. OOljalool bakana gavaron aur ujaddon ki bhasa hai,

 

Mujhe vishwas hai, Raj Thakarey aisi stithi mein koi na koi sammanjanak rasta jaroor dhoondh nikalenge, kyonki ve janatey hain ki unhen jo bhi karana hoga , vah desh ke samvidhan ke andar rahakar hi kar payenge, usase bahar nahin. RT ko samajhana hoga ki unhe rajniti ki lambi pari khelani hai, kyonki ve abhi yuva hain aur unhe Mumbai tak hi simit nahin rahana hai, abhi pure maharastra ko dekhana hai, phir poore desh ko.

 

Main Raj Thakare se apeksha karunga ki ve is tarah ke vivadon ko kuchch samay ke liye uchchalane se rok denge. Taki rajnetaon ko samajhane , sochane aur kuchch karane ka mauka mil jaye. Harbarahat mein liye gaye nirnay khatarnak hoten hain

0 टिप्पणियाँ

एक उत्तर दें

Fill in your details below or click an icon to log in:

WordPress.com Logo

You are commenting using your WordPress.com account. Log Out / बदले )

Twitter picture

You are commenting using your Twitter account. Log Out / बदले )

Facebook photo

You are commenting using your Facebook account. Log Out / बदले )

Google+ photo

You are commenting using your Google+ account. Log Out / बदले )

Connecting to %s