Pakistan ke bigarate Rajnitik halat

Padosi mulk pakistan ke andar rajnitik uthapatak chalu ho gayi hai, yah ek fikra karane ki baat hai. aisa lagata hai ki rajnitik dalon mein kuchch aisi batein paida ho gayi hain, jo kahin na kahin roda ataka rahi hain. Jab se vahan election huye hain, usake baad ke jaise halat bane, aur in halaton ko maddenazar rakhatey huye , jis tarah se sarakar bani aur ek mahine se adhik tak chali, phir is tarah ki utha patak shuru huyi hai aur naubat yahan tak aa gayi ki nawaz sharif ka sarkar ko samarthan dene vala dhara, sarkar mein shamil nahin hone ka man bana chuka hai.

 

Yah bahut gambhir baat hai. Is kadam se pakistan ki democracy mein vikar paida hone wala hai. Is kadam se wahan ke kattar panthi tabaka aur adhik majboot hoga, yah Miyan Nawaj Sharif ko sochana chahiye. Is kadam se Miyan Musharraf ko apana saink agenda chchupe roop mein lagu karane ka mauka mil jayega, Musharraf to chahenge hi ki, rajnitik dalon mein sir futavval ho to unako phir se sainik shashan karane ka mauka mil jaye, kyonki unake paas is baat ka bahana mil jayega ki , mulk mein rajnaitik sthirita khatare mein hone ki vajah se sena ko desh chalane ki kaman haath mein leni pari.

 

Pakistan ke rajnitik dalon mein navaz sharif sabase adhik jane pahachane aur udarvadi neta ke roop mein jane jaate hain. Vahan ki supreme court ke jadges ko bahal karana tha, to isake liye unhe thoda sabra karana chahiye tha, aakhir democracy hai, koi tanashahi nahin, unhe sochana chahiye ki is tarah ke kadam se ve kuchch bhi hasil nahin kar payenge.  Udhar America bhi is mamale mein kuchch nahin bolega, usaka to phayada hai, kyonki Miyan Musharraf jab tak rastrapati ki kursi par hain, tab tak usaka kaam chalata rahega, aise han huzuri wale neta ko kaun nahin pasand karega ?

 

Navaz Sharif ji is aane wale khatare ko bhapiye, ki kahin dubara mulk mein rajnitik asthirita ka bahana lekar Miyan Musharraf agale kai salon tak mulk chalane ki kaman apane hathon mein na le lein .

एक उत्तर दें

Fill in your details below or click an icon to log in:

WordPress.com Logo

You are commenting using your WordPress.com account. Log Out / बदले )

Twitter picture

You are commenting using your Twitter account. Log Out / बदले )

Facebook photo

You are commenting using your Facebook account. Log Out / बदले )

Google+ photo

You are commenting using your Google+ account. Log Out / बदले )

Connecting to %s