Atankawad se, kadai aur nisthurata ke saath, nipatna hoga

Agar koi sarakar yah samjhe, ki atankawad se namrata poorvak nipata ja sakega, to yah ek bahut badi bhool hogi, koi yah kahe ki atankvadion ko samjhane bujhane se masala hal ho jayeg to yah bhi bahut badi bhul aur galti hogi. Atankwad, atankwad hai aur isase nipatana  bhi atankavadi tarike se hi hoga. Bachav karane ki mudra vahin tak simit ho sakati hai, jahan tak jan sansat mein na pade. Aasanna khatare ko dekhate huye, usi tarah se badh chadh kar mukabala karana chahiye jaisa ki hamara dushman karata hai, balki usase jyada taki use ahasas ho jaye ki , samane wala kamajor nahin , balki hamase bhi tagara hai.

 

Jaipur. Ayodhya, Lucknow ya kisi aur jagah atanakit karane ke liye ek khas samay aur ek khas din chunane ka matalab kya hai? Yah ek khullam khulla chunauti dene wali baat hai atankiyon ki taraf se ki ve jab chahein jahan chahein visphote karake kisi bhi ghatana ko anjam de sakatey hain. Kya ham itane gaye gujare hain aur ham sachcham bhi nahin hain ki in ghatanao ko roke sakein?

 

America ko le lijiye, 11 september ke baad koi badi ghatana hui ? Britain ko le lijiye, tube railway ki ghatana ke baad unake yahan koi badi atankwadi ghatana hui ? Europe ke kisi desh mein le lijiye, wahan koi ghatana hui ? shayad nahi, sawal hai Kyon nahin hui ? Javab bhi sidha sada hai, in deshon ki sarakaron nein, kisi bhi varg ka tustikaran nahin kiya , veshesh kar Musalmano ka. Vahan nigarani deshdrohi tatavon ki bade paimane par bina kisi bhedbhav ke kija rahi hai. London ki Police ne sidhe sidhe kaha hai, ki ve sir mein hi goli marenge, chahe koi bhi ho. Jahir si baat hai, indeshon ne apane sabhi nagarikon ke liye jo niyam kayada banaye hain , ve sabhi par lagoo hain , chahe ve kisi bhi varg ke hon, kisi bhi jati ke hon. Isiliye in deshon mein atankwad sir nahin utha paya hai, kyonki ve berahami se atankiyon ke khilaf pesh aa rahe hain.

 

Bharat desh mein stithi ulati hai, yahan itani narmi hai ki atankwad se nipatane ke liye koi makul aur kada kanoon nahin hai, Tada tha, vah bhi congress sarkar ne vapas kara diya, natija yah nikala ki atanki bekhauf ho gaye, raha saha Tustikaran ki bhent chadh gaya, is tarah se to atanakavad se katai nahin nipata ja sakata hai. Isake liye jaroori hai, ki kade se kade kanoon aur nisthurata se pesh aane ki jaroorat hai.

 

Modus operandi ke hisab se mera aankalan hai, ki yah kaam HUJI ka hi ho sakata hai. Atankawadi sangathano ka ek khas tarika visphoton ke prayog ka hota hai, ya unake atank failane ke kaam karane ka tarika ek sangathan se doosare sangathan ke kaam karane se juda hota hai. Yah isaliye, kyonki yah unaka brand ban jata hai taki logon ko samajhane mein dikkat na aave ki yah kis sangathan ka kaam ha. Jaise ki LITTE agar suicide bomber se kisi ko uda deta hai, to yah LITTE ki modus operandi hai, jab kabhi bhi suicide bomber koi karanama karenge, LITTE ka naam apane aap sabake samane aa jayega. HUJI ki Modus operandi isi tarah ki hai, jaisa ki jaipur mein hua hai. Agar HUJI is hamale ko nakarata to kisi doosare sangatha ki taraf dhyan jata, lekin HUJI chup hai to ise swikrat lakshan maan lena chahiye.

 

Ab sawal uthata hai, ki inaka network kahan se kahan tak faila hai. Hamare desh mein padosi mulk Bangala desh ke lakhon avaidh nagarik yahan aakar bas gaye hain, mukhyataya ye national highways ke kinare kinare bus ya car ke tyre tube aur pancture jodane ke kaam se jude hain, ye bangala bhasa bolate hain. Ye sthaniya janata se bahut jaldi ghulmil jate hain , inake rahan sahan se sabhi yahi andaza lagatey hain ki ye bahut garib hain. Ye atankvadiyon ke liye bahut kaam aa sakatey hain, kyonki tyre tube ki marammat ke kaam ki aad mein visphotak padarth lekar ek jagah se doosari jagah jane ke liye inako truck aur doosare sadhan aasani se muhaiya ho sakatey hain. Rahi baat Funding ki to inake aaka  kahin na kahin honge jaroor.

 

Jaroorat hai kadai se pesh aane ki, nahin to isi tarah se vardatein hoti raheingi, aur hamare rajneta isi prakar gaal bajatey raheinge, aur kuchch nahin kara payenge, sivay kagazi kahanpoori ke ki “HAM ATANKVAD KA MUQABALA KARENGE ?

एक उत्तर दें

Fill in your details below or click an icon to log in:

WordPress.com Logo

You are commenting using your WordPress.com account. Log Out / बदले )

Twitter picture

You are commenting using your Twitter account. Log Out / बदले )

Facebook photo

You are commenting using your Facebook account. Log Out / बदले )

Google+ photo

You are commenting using your Google+ account. Log Out / बदले )

Connecting to %s