UPA ke ghatak dalon ka Honeymoon khatma hone ke kagar par

Abhi tak, MAAL, MALAI, MAKKHAN, MONEY kaat rahe UPA ke ghatak dalon ko dar sataney laga hai, ki chunav hone kistithi mein ve kya aur kahan honge, isi karan PARAMANU KARAR PAR SAATH DE RAHE SABHI UPA  ke ghatak dalon mein , toot phut hona shuru ho gayi hai, jisaka taza udaharan SP aur Congress ke bich mein ho rahi tanatani se jahir ho gya hai, Vam dal to pahaley hi mal chirkar jitana phayada utha sakatey they, maximum phayada uthakar , kinare ho liye, jarurat ke samay Samajvadi aaye, lekin viparit dhruvon mein kabhi nahin bani to ab kya banegi, Samajwadi parti ko ahasaas ho gaya ki use Congress kha jayegi aur yah sach bhi hai, musalman is baar Congress ko vote dega, yah tay hai, meri Miyan bhaiyon se baat hoti rahati hai, usase mujhe laga ki abaki baar unaka rujhan Congress ki taraf hai, jo miyan bhai congreess co vote nahin denge, ve abaki bar BSP ya communiston ko vote dene ki baat soch rahe hain, aise mein samajwadi parti ko vote kuan sa Vote Bank dega ?

Yah hal dekhakar sabhi chchote dalon ko , jo abhi tak malai uda rahe the, inaka bahut bura hashra hone ja raha hai, rahi sahi kasar AMARIKA KI MANDI se padane wale asar se puri ho jayegi

Kendra Sarkar ke Badhavas Halat

Ek bar vipachch ke neta Shri LK Adavani ji ne kaha tha, kisi sandarnh mein, ki yah sarkar ICU mein chali gayi hai, pata nahin kis halat mein aakar bahar nikaley,

Idhar pichchale kuchch dinon se yah dekhane mein aa raha hai ki, sarkar ki stithi badhavason jaisi ho gayi hai, jaise sadamein se grasit kisi vyakti ka bura haal hota hai, vahi halat is sarkar ke ho rahe hain, itani musibatein samane aa rahi hain, ki ise sujh hi nahin raha hai ki kya kiya jaye

Thik hi hai,jab janata sarakar ki nahin sun rahi hai to phir sarkar hi kyon janata ki sune, sarkar kahati hai ki apane bachchon ko Polio ka tika lagvao, log sun hi nahin rahe hain, akhabaron mein karodon rupaye ke vigyapan diye ja rahe hain, sarkar prachar prasar par karodon rupaye pani ki tarah bahaye de rahi hai, lekin janata hai ki usake kaan mein jun tak nahin rengati,janata ne ek kaan se suna aur dusare kan se sarkar ki baat nikal di,

Srakar kahati hai, parivar mat badhaiye, log hain aur janata hai , vah dhakadhak aabadi badhaye chali ja rahi hai, ab sansadhan kam nahin honge to kya hoga ? Sarkar kahati hai ki hamein sahayog karein , log kahatey hain ki ham kyon karein aapake neta karein, jo vote lene aaye the , ve karein, MLA mere ghar me aage jhadu lagaye aur MP unaka Pota sahalayein

Jab yah Janata ki prabratti hogi, aisi soch hogi to marega kaun ?  Sarkar to nahin, Janata hi ko marana hai,

“Is desh ki janat parale darze ki bevkoof hai” , yah baat logbag bahas mubahise mein kah dete hain, halanki main is baat se ittefaq nahin rakahata, lekin main ise sansodhan ke saath kahata hun , ki, jab tak is desh ki janata Vote Bank ke chakkar mein padegi, Tushtikaran ke chakkar mein padegi, Lok lubhavan ghoshanao ke bal par chalegi , kisi lalach mein aakar is taraf ya us taraf rahegi , tab tak kuchch nahin hone wala, neta to apane phayade ke liye ek doosare ko ladava dega, baad mein bich bachav karega, yahi aaj ki Rajniti hai

Koi bhi ghatana ho , chahe vah chchoti ho ya badi, sarkar kimkartvya vimudh hokar apani badhavasi ka parichay de deti hai, janata mare to mare, unako kya, ve surkshshit hain to desh surakshit hai, ve khatarey mein hain to desh khatarey mein hai,

Ab janata ko kaun samajhaye ?

Disha Vihin Rajnitik Chintan

Ise disha vihin rajnitik chintan kahana jyada theek hoga, kyonki ham kis taraf ja rahe hain , kahan ja rahein hain, kuchch bhi pata nahin,

Ek Rajniti dal kaha raha hai, Bangala deshiyon ko Bharata ki nagarikata de do”

Doosara kah raha hai, SIMI ek rastravadi sangathan hai,

Teesara dal kaha raha hai, Bihar ki Badh mein Falane dal ka haath

Chautha Kah raha hai, Swami ji ki Orisa mein hatya Falane dal ne karai

 

Yah sab apana pap chchipane ke liye kiya ja raha hai, Vote Bank pakka karane ke liye kiya ja raha hai, kahin janadhar na khisak jaye, kahin Vote Bank naraj na ho jaye, jab yah chinta Rajnitik dalon ko khayegi to ve desh ka bhala kya karenge

Vastavikata yahi hai ki ab sari gatividhiyan Vote Bank ke chakkar mein aakar simat rahi hai, sari rajniti hi ab Vote Bank ke ird gird aakar simat gayi hai, election aane wale hain , Congress aur SP ka gathabandhan kya gulkhila sakata hai, yah to koi nahin janata, lekin main bhavishya vani kiye de raha hun, ki is gathabandhan se Congress jyada majbut hogi aur Samajvadi Party aur adhik kamjor hogi, yah baat main apne ankalan se prerit hokar nahin kah raha hun, balki meri janata ke sabhi vargon se batchit hoti rahati hai, main unase sawal karata hun, vad vivad karata hun, aur yah nishkarsha un sabhi logon ka hai, jo in partion ko vote dete hain aur in partion ke vote bank hain

 

Baat akhir mein Janata tak aa jati hai, janata mein Antyodaya se lekar Dhanadya varg sabhi aatey hain, sabhi kahin na khain se batey huye hain, ye ek jut kabhi ho nahin sakatey, kyonki jo diwar hai, vahi dil se lekar dimag tak baant deti hai, yahi bat chchat rajnitik dalon ko phayada pahuchati hai, ise ham kabhi nahin rok payenge, yah sab isi tarah se chalata rahega, kyonki koi bhi nahin chahata ki sudhar ho, yah desh kisi din bhrastachar ki shreni mein sabase antim paydaan par hoga, hame garv hoga ki ham kam bhrast se mahan bhrastam shreni mein aa gaye,

Manmohan ki har morche par phel sarkar

Is desh ka koi bhi corner le lijiye, aapako kya samajh mein aayega ? Hamare niti nirdharak ashay bane huye , paralysed ho chuke hain, yah sarkar kuchch samajh hi nahin pa rahi hai, ki vah kya kare, is sarkar ke mantri belagam hokar jo chahtey hai, ve sab kar rahe hain,

Congress bhale hi apane pradhan mantri ki pith thonkati huyi nazr aa jaye, lekin jan manas kya kah raha hai, janata ki opinion kya hai, main us janata ki opinion ki baat isamein shamil nahin karata , jise sirf aur sirf apana pet palane ke liye , kewal pet bharane ke liye kya kiya jaye, jisase unaka pet bhare, jo mansik star par Vipanna hain , garib hain aur arthik star par bhi vipann athava garib hain, ye kya sochenge, kya vichar karenge, jo itane vipanna hain ,

Yahi sab tabaka vote dekar Congress ko jitata hai, ye janata hai ki unaka bhala garib bane rahane mein hi hai, yadi ve jara sa bhi apana star ooncha uthayenge to jo bhi sarkari madad mil rahi hai usase bhi vanchit ho jayenge, isaliye garib ke garib bane rako , aur sarkari sahayata ka maja uthate raho

Jis desh ki janata ka yah hal hoga, unase ham kya ummid karein ? Baji bache madhyam varga ka, to sarkar yah janti hai, ki unaka vote bank kahin aur hai, aur is tabake se unako koi pharka padane wala nahin

Isiliye yah sarkar samvedan shilata ke mamale mein doosari anya sarkaron se bhinna hai, ab to maun roop se chchut mili hai, ki jo bhi chaho karo, koi rokane wala nahin hai, theek bhi hai, election aane hi wala hai, samay bhagatey der nahin lagati

Pandrah Agaust 2008 ka Pradhan Mantri ka sambodhan

Ise kya kaha jay ki Rajya sabha ke madhyam se chunakar bane pradhan mantri , sare desh ko bata rahe the, ki unaki kya upalabdhiyan rahin. Jo vyakti jindagi bhar shirsh star ki naukariyon mein raha, jisane garibi tak ko nahin dekha, abhavon tak ko nahin dekha,jamini haqiqat se kabhi do char nahin hua, jisane kabhi sarvajanik vahan se chalane ki jahamat nahin uthyi ho, jisane kabhi garibon , dehaton, ya un jagahon par jane ki jahamat na uthayi ho , jahan log kis awastha mein rah rahe hon, vah vyakti bharat jaise vishal desh ko sikh de, ki unako kya karana hai, sivay ek bade majak ke aur kuchch nahin lagata ?

 

Pradhan mantri ji ne Kashmir ka jikra kiya hai, pahale to unako khud hi yah samajhana chahiye ki , mujuda stithi ke liye jimmedar kaun hai ? Samasya khud congress ne pida ki, isaliye ki unako apana Vote bank banana hai, unaka janadhar kahin nakhisak jaye, is baat ka pura pura khyl rakkha gaya, PDP ke saath Congress ne sarakar chalayi, sara maujuda ghatana kram dekha jaye, to khud congress ki sarkar ki galati par galati hoti chali gayi, ab jab sar se pani uopar chala gaya to Pradhan mantri ji kah rahe hain, ki sare rajnitik dalon ko is samasya ka samadhan dhoondana chahiye ? Kyon ? Galati karein aap, vote bank banayein aap, malai chchane aap, jab baval sar par aaya to guhar laga rahe hain ki Madad karo.

Isase adhik dayaniy stithi bina janata ke direct chune huye Pradahan manhtri ki kabhi bhi nahin dekhi gayi .

 

Doosara Bhrasta char ka mudda, yah sabhi janatey hain ki atomic deal par hone vali Loksabha mein bahumat ke liye, kya kya nahin kiya gaya ? Ye kya bhrastachar mitayeinge, ye khud hi bhrastachar ke daldal mein phase huye hain, is bhasan se sirf aur sirf yahi jhalakata hai, ki ye neta Desh ke logon ko bevakoof aur ullooo samajhatey hai, yah kahakar ve kya sandesh dena chahtey hain, ye to vahi jane, lekin ek baat tay hai ki is desh se bhrastachar kabhi bhi nahin khatam hoga, balki aur badhega, kyonki sarkar khud hi nahin chahati ki bhrastachar khatam ho, deshvasi nahin chahatey ki bhrastachar khatam ho, mujhe nahin lagata ki bhrastachar hazaron hazar saal tak is desh se khatam ho payega ? Isaki shuruaat hi congression ne ki hai aur ab yah bimari kabhi bhi khatam nahin hogi, yah lailaj ho chuki bimari hai. Jo neta yah kahe ki bhrastachar khatam hona hai, usaka ulta sabako samajhana chahiye.

 

Teesara mahagayi ka mudda uthaya gaya, kaha gaya ki ham na hote to mahagayi kai guna badha jati. Manniya Pradhan mantri ji ko shyad bazar bhav nahin maloom hain, maloom ho bhi kaise, ve khud to kuchch kharidane jate nahin hai, unako kya pata ki aata, bhata, chawal, namak ka kya bhav hai, khane ka tel kahan ja raha hai, unako tel se kya lena dena, us janata se poochchiye, jo tel khana bhi bhul gayi hai, sabziyan khana bhi bhul gayi hai, ye kya mahagayi rokenge, kisi ke baap bhi mahagayi nahin rok payeinge, jahan netaon ki yah soch ho ki amir ko aur amir banana hai vahan yah sab batein sivay chachalava ke aur kuchch nahin lagati.

 

Kul milakar Pradhan mantri ji ka bhasan koi bahut appreciate karane wala nahin raha hai, sivay shikawa shikayat ke, kyon ki unake paad na to koi upalabdhi rahi hai na desh ko antarrashtriya biradari mein uchit sthan dene wala.

 

Mujhe to Pradhan mantri ka bhasan sunakar nirasha hi haath lagi hai, unake khatey mein appreciate karane layak kuchch bhi nahin hai. Yah sivay shabdon ki kalabazi ke aur kuchch nahin.

Jammu , Kashmir ki samasya

Hamare netaon nein is samasya ko itana ulajha diya hai, ki kisi ko koi rasta nahin sujha raha hai ki kya kiya jaye ?  Yah hamare netratwa ki sabase badi kamajori hai ki ve sahi vakhata par sahi nirnaya nahin lete, natija ham sabhi aaye din dekha karate hain.

 

Mujhe nahin lagata ki Jammu aur Kashmir ki samasya bahut jald sulejhegi, yah mamala itana pechida ho chuka hai ki jab tak dono paksha apani apani taraf se narmi nahin dikhayeinge aur akad dhauns ke bal par rajniti karenge, tab tak kuchch bhi nahin sulajhane wala, ek hi rasta hai, ki dono pakshsha apani apani taraf se narami ka rukh apanayein,

 

Amarnath shrine ke pichche darasal algav vadi takateyin kam kar rahi hain, Mufti to in alagvavdiyon ke mohare hain, ye agar alagav vadiyon ki baat na manein to atankvadi inhein hi khatma kar dein, isaliye ye vahi bhasa bolatey hain jo algavvadi aur atankvadi chahatey hain, jitana bhi ghatana kram kashmir mein ho raha hai, usaka rukh hi alga ho chuka hai, yahan Amarnath shrine ki jamin to pichche chchut gayi, mujaffrabad ke liye kooch aage aa gaya hai,

 

Election aane wale hain, yah sab hoga aur kamjor sarkarein ise rok nahin payeingi, phir bhi “Dauda Daura kar thaka dene wali policy” behatar vikalapa hai, jisase hokar shayad koi ratsta nikaley. 

 

Abhi to balprayog hi sarvshrestha tarika hai , military aur police ki karvahi is samay uchit lagati hai, balprayog karake andolan kariyon ko thaka dene ki policy par amal karein, kitane din tak ye sab baval karatey rahenge, ek din thak kar yah sab sochaney par majboor ho jayeinge ki unhe kaun sa rasta chunana hai, tab tak to yahi niti barkarar banaye rakhana chahiye.

Kuchch sujhav , jo shayad ATANKWAD se nipataney mein kaam aa jayein

Atankwad ko jis tarah se halke mein liya ja raha tha, vah ab bahut vibhatsa roop leta ja raha hai, rajneta ab bhi apani nakami ka thikara ek doosare par phenk rahe hain, lekin mool samasya ki or kisi ka bhi dhyan nahin hain, is samasya se kaise nipata jaye, atankwad ko kaise khatam kiya jaye , yah sab sochane ka kisi ke paas samay hi nahin hai, sarakar  to haath par haath dhare baithi yah  intjar kar rahi hai, ki ab agale serial blast kahan par aur kaun se shahar mein honge.

 

Nishchay hi yah lakawa grast stithi hai. Behatar hai ki, alochanaon tatha pratyalochanaon se bacha jaye, tatha gambhirata poorvak is bhayank samasya ka samadhan dhunda jaye.

 

1- Ek Federal Janch agency ko banaya jaye jo kendriya star par karya kare, abhi tak sabase badi kamajori yah samane aayi hai ki , atankwadi ek rajya mein dhamaka karake doosare rajya mein bhag jate hain, jisase unako koi pakad nahin pata, tamam tarah ki kanuni pechadigyan paida ho jati hain, aur isi la l;abh uthakar atankawadi sarsabj ho rahe hain.

 

2- Sabhi rajyon ke DGP ka ek alag se Antitererist group banaya jaye, jo ek doosare rajyon ko turat furat suchana de sakein, abhi tak yah kaam graih mantralay ke paas hai, is mantralay ko yah bahana mil jata hai, ki unhone to pahale hi suchana de di thi

 

3- Ek central antitererist organisation of states banaya jaye, jo quick information ka share aur exchange , jo bhi upalabdha ho, vah ek doosare ko bata sakein

 

4- Antitererist Court ki sankhya badhai jaye aur aise mamale jyada din tak adalaton mein na pade rahein, jyada dinon tak mamale pade rahane se tereriston ka husala aur badhata hai

 

5- Rajnetaon dwara ghadiyali anshu bahana band kiya jaye, tustikaran ki niti par lagam lagai jaye, jo kanun sammat ho wahi kiya jaye, is tarah se naram rahenge to Atankwad kabhi samapt nahin karvp payenge, isliye ichchashakti ki bahut jarurat hai

 

6- Print media ya Electronic media ke paas jo bhi khabar hon, ve pahale prasarit karein, abhi tak hota yah hai ki media kahata hai ki usane to khabar di thi , leki sarakar na kare to ham kya karein, yah bevkuph banane ke liye kaphi hai, isaliye meidia agar kahabar kare to use gambhirata se lena chahioye

 

7- Internet par ek portal banaya jaye, desh ke nagarikon se anurodh kiya jaye ki ve kisi bhi atankwadi ya atankwad se sambandhit koi suchana rakhatey hain to is portal par darz kara dein. Portal par darz suchanon ka analysis aur varification , antitererist cell apane jawano ke jariye kara le, ki sahi hain ya galat

 

8- Ho sakata hai, aise bahut se nagarik hon, jo direct police ko khuphiya suchana dene se darate hon , bhay khatey hon, ya  suchana dene se parahez karein, unake liye koi aisa pata ya address ho , jo ve ek post card, ya patra dwara atankwadion ya atankwadion ke thikano ya atankwadion ki madad karane walon ke baare mein suchana is cell ko dena chahatey hon, aisi koi vyavastha sarkar ya kisi bhi police cell dwara karani chahiye, har prapta information ka vishleshan bhi karein,

 

9- Bahut se jagaruk nagarik turant suchana dena chahatey hain, magar dar ke mare dena pasand nahin karatey, ve sanshay wale logon ko dekhatey hain, lekin suchana dene se daratey hain , unake liye koi coded number pracharit kiya jaye, jisase ve suchana darza kara sakein

 

10-  Rajyon ke har thana Police mein Antiterrerism Cell ki sthapana ki jaye , jisamein ek daroga, do constable ki alag se niyukti ki jaye, jo ilake ke andar tereristic gatividhiyon par kewal nazar rakkhein, apane mukhabiron ka jal banayein, is cell ke pas is kaam ke alawa aur koi doosara kaam na saupa jaye

 

Aise tamam upay Nagarikon ki taraf se bhi hone chahiye, Atankwad ki samasya jamin se judi samasya hai, is samasya ka hal bhi isi star se hona chahiye, tabhi kamyabi milegi.