Sukhe ki Rajniti

Desh mein jahan jahan sukha pada hai, wahan wahan bade joron se rajniti ki ja rahi hai. Karan saaf hai, Election nazadik hain, aur kaun si parti nahin chahegi ki usake sabase jyada sansad lok sabha mein jeet kar aayein.

Congress ho, BJP ho, Samajwadi party ho, BSP ho, sabhi ko chinta hai. Kyon  na ho, pahali baat to yahi ki , jitani seatein abhi hain, utani to bachani chahiye , doosari in seaton ko jitani ahik badha  sakein utani jyada badhanein ka prayas karane ka jugaad karana teesara Voton ka janadhar kam na hona chautha Lok lubhawan skimon ka janata ke saamane pesha karana , taki vote bank majaboot kiya ja sake.

Yahi sab parties kar rahin hain. Sukhe ki rajniti mein Uttar Pradesh uljha hua hai. Maya wati ke liye sabhi dal apani apani taiyari mein jute hain, ki unake samikaran mein kaise sendha lagayi jay.

Bapu yani Mahatma Gandhi

Aj 30 tarikh hai. Isi din bapu ki hatya ki gayi thi. Karan bahut se ho sakate hain. Jinhen ham kabhi bhi vastavik swaroop mein nahin jaan payenge. Bapu ki hatya ek paheli banakar hamesha ke liye jamin doz ho chuki hai.

Maine varshon pahale ek pushtak padhi thi, jisaka shirshak tha, “Maine Gandhi vadha kyon kiya ?” Mujhe baad mein pata chala ki yah pushtak pratibandhit hai aur isako ghar mein rakhana bhi gunah  hai. Baharhaal maine yah pushtak padhi, tamam baatein thi, Nathu Ram Godase ka bayan tha, kuchcha gavahon ke bhi bayan the aur court ki karyavahiyan thi.

Nathu Ram Godasey ne tark poorna tarike se, apani baat kahi, jo bayaan court ke andar diya gaya tha.  main vyaktigat taur par kisi ke liye  kuchch nahin kahana chahta hun.

Phir bhi yah sach hai ki, sabhi ko Bapu ki karya pranali ki, unake kaam karane ke tarikey ko, unake vichar samrthya ko jyada tarzih dena chahiye. Kisaney mara , kyon kiya ab yah sab befazool ki baaten hain, aur inaka ab koi mahatva bhi nahin rah gaya hai.

Hamein Gandhi ko jinda rakhana hai. Unake vicharon ko jinda rakhana hai. Jisa tarah ki vaishavik paristhitiyan ban rahi hain, ye vinash ki or le ja rahin hain. Sara Vishwa samuday ek din jaroor Gandhi ke vicharon ko samjhane ka prayas karega , isaliye ki “Vishwa shanti”  sthapit karane ke liye, kewal matra Gandhi ji ki vichardhara hi ek matra nidan banakar aur ubhara kar samane ayegi , jo Vishwa shanti ko sthapit karane ka ek matra solution siddha hoga.

Dainik Jagaran : Hindi Bhasa ka sabase adhik prasarit akhabar

Dainik jagaran , hindi bhasa ka sabase adhik padha jane wala akhabar hai. Ab to yah kai rajyon se chchapakar nikl raha hai, lekin main jo baat kaha raha hun , wah san 1954 ke aaspaas ki hai, jab Swargiya Poorna Chandra ji Gupta, Kanpur shahar ke ilake Birhana Road ke Nomani Bhawan se akhabar chchapkar Kanpur Nagar ke logon ko samachar pradan kiya karate the.

Meri Umra us samay yahi koi 8 ya 9 saal ki rahi hogi, jab pahali baar mujhe Shri Poorna Chandra ji ko dekhane ka mauka mila. Nomani Bhawan mein un dino, ek Tewari ji apana Vidya Vinodini ka course jo Prayag Mahila Vidyapith, Allahabad dwara sanchalit hota tha, usaki classess lagaya karate the , jisamein mahilaon ki upasthiti hoti thi. Meri badi bahan Vidya Vinodini ki chchatra thi, unaki classess sham ko 3 ya 4 baje lagati thi. Us jamane mein ghar ki ladkiyan akele kahin nahin jati thi, bhai athava bahan athava mata pita me se koi na koi saath avashya jata tha. Main chchota tha, isaliye meri bahan mujhe apane saath le jati thi.

Nomani Bhawan  mein sidhiyan chadhane ke baad andar jate hi ek bada sa aangan tha, aangan ke us paar bayen haath se jakar usi taraf peechche ki or, Tewari ji ek kamare mein classess chalaya karate the. Tewari ji dubale patale se the, aur lal tilak lamba sa lagaya karate the. Isi aangan mein , type wale case upper aur lower cases, composing stick tatha press ke kaam aane wala bahut sa saman pada rahata tha. Un dino akhabar hand composing dwara , page set up karake, badi kathin mehanat se aur parishram karake nikale jaate the. Aangan mein bayin taraf do cylinder machine thi jis par chase kas kar akhabar chchapa jata tha.

Main pahali baar jab Nomani bhawan gaya to apani bahan ko class mein chchodakar, bahar sadak ki taraf ke bayen chabootare par baith gaya. Dahine chabootare par khaddar ka bushirt aur khaddar ki lambi half paint tatha khaddar ki topi lagaye, thoda sthool badan ke gehuyein rang ke sajjan ek lambi chaku lekar akhabari kagaj ke lambe panne ko chchota katne ki prakriya mein mashgool the. Ve badi tanmayata se yah karya kar rahe the. Tabhi koi andar se teleprinter ke kuch kagaj le aya. Unhone ek drasti se mujhako dekha aur teleprinter ke kagaj par kuchch sudhar karane lage, phir khud hi andar jakar ek compositor ke samane wah kaagaj rakha aaye.

Yah sab main badi utsukata se dehk raha tha, mujhe bada maja aa raha tha, kyonki aisa maine pahale kabhi dekha nahin tha. Meri back ground gramin parivesh ki thi aur apane gaon se naya naya Kanpur shahar aaya tha. Yahi sajjan phir aakar chabootare par baith gaye. Ve phir kuchch likhane lage. Main unako dekha raha tha.

“kahan rahate ho”, unhone poochcha. Kya naam hai, maine naam bataya, mera naam sunakar, ve bade anandit huye. Phir mera naam liya aur hasaney lage. Unhe mera naam bahut pasand aaya. Baad mein, Ve jab bhi mera naam lete, hansatey jaroor they.

Main Shri Poorna Chandra ji ko “Chacha” kahata tha.

[Baaki Phir]

Khushawant singh, the Asardar Sardar

Hindi ke akhabron mein, Na kahu se dosti , na kahu se bair, shirshak se har hafte Khushawant singh ji ka aankalan padhane ko milata hai. Sardar ji ke naam se khyati prapta patrakar bahut purane aur shayad akele aise akhabar navish hain jo shayd itani umra mein bhi badi shiddat ke saath likahte rahate hain. Halanki jaisa sabhi ke saath hai, ki koi jaruri nahin ki main unake likhe gaye vicharon se sahamat hun ya na hun, lekin unake likhane ki shaily aur style ne mujhe jaroor prabhavit kiya hai.

Sardar ji hain , isaliye kahin na kahin Asardar bhi hain. Asardar is silsile mein, ki ve kisi mahila ka yadi jikra karate hain, to usake “Doodha” “chhati” ya “nitamba” kaise hain, ya usaki sex apeal kaisi hai, dekhane mein akarshak hai ya badsoorat, mehamannavazi mein kaisi hai, usaki bolane ki style, ya khana parosane ka andaz , ya usaki muskaharat kaisi hai , aadi baton ka badi hi dilchaspi ke saath varnan karate hain , jo padhane mein accha lagata hai. Yah sab to theek hai.

Lekin mere man mein Sardar ji se yah jaan lene ki badi utakantha hai aur utsukta bhi , ki unaka sexual experience kaisa raha. Jis tarah se ve sex ke baare mein likha karake desh ki janata ko batate hain, usase yah swabhavik hai ki unase yah jana jay. Mujhe lagata hai ki, Khusawant singh ji, kaam kala ke bare mein accha gyan rakhate hain, to main unase yah bhi jaanane ka prayash awashya karoonga ki , ve “shighra patan” athava “dhwaj bhang” ke baare mein kya sochate hain ?.

Kitana Paisa chahiye

Ajakal paise ke pichche maramari machi hui hai.  Haay paisa, haay paisa, charo oar yahi karun krandan ka shor macha hua hai. Koi bhi ho, sabako paisa chahiye.

Kai baar main navajawano se puchchata hun, ki ve kya banana chahate hain ? Uttar bade hi nirale mile.

Ek bola, main Harshad Mehata Banana chahata hun. Doosare ne kaha main Bill gates banana chahata hun. Teesara Daud Ibrahim ke takkar ka mafia banane ki khvahish rakhata hai.

Vajah saaf hai, ab koi tyag aur tapasya karana nahin chahata. Takalifein koi jhelana nahin chahata hai. Sabhi sukha suvidha chahate hain. Kasta koi uthaha pasand nahin karata. Hamare bachapan ke dinon mein , kuchch alag hi kishma ke manaviya moolya hua karate the. Ab yah sab kahin dekhane mein nahin aate.

Ab to kisi bhi vyakti ka aankalan karane ka paimana hi Paisa aur kewal paisa hi ho gaya hai. Ham yah aankane lage hain ki hamare rishte bhi paisa ki kasauti par hi rakkhe jayein.

Ab koi Bhagat singh nahin hona chahata. Sabhi dua karate hain ki, Bhagat singh hamare ghar na paida hon, agar paida hon to hamare padosiyon ke ghar mein hon. Hamare ghar Jhansi ki Rani na paida hon, agar paida hon to sakshat Laxami ji paida hon.

Jahan yah sab vichar hon, us samaj ka kya hashra hoga, aage aane wale varshon mein, ham kewal andaza laga sakate hain.

Ek baat kahoonga ki, Pisa hi sab kuchcha nahin hai. Isaki ahamiyat jaroor hai. Pisa prapta karane  ke liye imandari se prayas karein. Utana ikattha karein, jisase aapaki aur aapake parivar ki jaroorat poori ho jaye. Itana na ikattha karein ki, saari kamayi Chor, Dakait aur Bhai log le jayein. 

Mera naam “Bharatiya Ganatantra”

Name: Bhartiya Ganatantra

Date of Birth : 26 January 1949

Age: 59 years

Abhi meri ginati senior citizen mein nahin hoti hai, kyonki main satha saal ka nahin hua hun. Isaliye mujhe ve sari facilities nahin milati hain , jo senior citizen ko milani chahiye. Mera paida hone ka itihas to sabhi log janate hain. Baad mein kya hua aur ho raha hai , yah bhi sabhi jaanate hain. Yadyapi main itani umra hone tak bahut kuchcha karana chahata tha, lekin mujhe bhrastachar, beimani, atankawad, berojgari, swarth ke liye ki jaane wali netagiri aur na jaane kitani samasyaon se jojhana pada hai, yah mera kaleja janta hai.

Itana sab hote huye, abhi main apane ko retire nahin manata hun. Mera manana hai ki jitani hi meri umra badhegi, utana hi mere andar nikhar ayega, aur ek din duniya mujhe sarvoccha shikhar par dekhegi. 

Dev Anand

Film star Devanand, mujhe bahut pasand hain. Kuchch baaton mein meri unase samaanta hai. Pahali, Devanand ek sinior citizen hain, main bhi hun. Doosari, Devanand jara latake jhatake lekar chalane wale byakti hain, main isame thoda kam hoon, main jara halke jhatake lekar chalata hoon. Teesari, suna hai, Devanand bade romantic hain, main bhi bada romantik hoon, mujhe budhape mein bhi , badi budhiyan kisi heroin se kam nahin lagati. Chauthi, Unako apane jeevan se romance karana achcha lagata hai, main bhi karana chahata hoon, lekin aajakal dant dard ki vajah se nahin kar pa raha hoon.

Jab mera bachapana tha, kisi se devanand ki philm ke bare mein sun liya tha. Unaki acting ki sabhi bahut taarif kiya karate the.  Doston ke saath, chori se philm dekhane  chale gaye the. Philm ka naam to mujhe nahin pata, lekin heroin ka naam jaroor yaad hai, “Shila Ramani “. Is philm mein Devanand, bahut latake jhatake le rahe the, maine utsuktawash, bagal ki seat par baithe darshak, jo mujhase badi umra ke the, se poochcha ki, Devanand akhir itane latake jhatake kyon lete hain ? Kisi ne peecche ki seat se , uttar diya, Abe pata nahin, Devanand ko Bavaseer ki bimari hain. Bavaseer theek ho to , latkon jhatakon par  bhi lagaam lage.

Jab Devanand ko Dada Sahab Phalke pursakaar diya gaya, isaki ek jagah par maine charcha kar dee, ki Mere Favorite Film star ko Dada Sahab Pursakaar mila hai. Choonki main Devanand ka bahut bada fan hoon, isaliye unko puraskar milane par mujhe aisa lag raha tha ki , jaise yah pursakaar mujhe mila ho. Tabhi Ek chhote ladake ne , Gana sunaya, “Sau saal pahale, gadhe pe sawar tha, aaj bhi hai , aur kal bhi rahega”

Mafia aur mafia

Kai saal pahale mujhe yah janane ki badi tapish hui, ki aakhir mein yah mafia hai kya? Khair kuchch aisa hua, ki ek chchutabhaiye mafia ka saath mujhe mil hi gaya. Phir kya tha, kuchch din usaki shagirdi ki, aur mujhe un sabhi tatvon ka gyan ho gaya, jo mafia ko mafia banate hain.

Lubbe luaab yah ki, is mafia ke khel mein Adhikari, Neta, Police , Rajnitik dal ke karta dharta aur na jane kitane log shamil hote hain. Ye sab milakar mafia banate hain, aur bekar mein pisati janata hai. Vastavikata yah hai, ki sabke swartha mafia ko kendra bindu banakar jude hote hain, aur sabhi fayada uthate hain. Akhir paisa kisako katata hai. Sabhi ko Laxami ji chahiye. Imandar to dene se raha. Mehanat ki kamai koi dena nahin chahata. Ek mafia hi bachata hai, jo sabaki poorti kar sakata hai. Saragana paisa kharcha karake apani dhak jamata hai aur isi dhak ke bal par neta giri to chamakata hi hai, apani dabangai ke bal par vah sab kuchcha kar gujarata hai, jise ham aap door se hi naskar karana shrestha samajhate hain.

Sensex ki kalabazi

Isame koi ashcharya nahin karana chahiye, na hi yah koi ashcharya ki baat hai, ki Bombay sensex itani jaldi ludhak gaya. yah to ek din hona hi tha. koi cheej badhati hai, to sab khush hoten hain, yahi cheej jab ghatati hai to sab dukhi hote hain, kyon ?

Isaliya ki sabhi achcha achcha hona, dekhana, mahasoos karana pasand karate hain. Bhukhe nange logon ko sensex se kya lena dena. Garib ko kya pharak padega is sensex se ? ve kal bhi sadak par the, aj bhi hain. Pharak padega unako, jinaki kamai maari gayi, ya jinhen dendari deni pad jayegi.

Mujhe isake pecche sajish nazar aa rahi hai. Yah karamat Amerikiyon ki hai. Sam, daam , dand, bhed ki neet ka yah ek achcha udaharan ho sakata hai.  Jaisa ki sabhi janate hain, america kabhi bhi kisi desh ko tarakki karate huye ya badhate huye nahin dekh sakata. Yah baat jag jahir hai. Ab takat ajamane ka koi bahana America ke paas nahin hai. Kyonki kisi jamane mein use Roos ka khema kahane wale rastra ko lekar bhidant karane ka mauka mil jata tha. Ab na roos raha, na usake kheme wale desh. Ladega  to kisase. Sabase bada dand dena hai to Aarthik dand do.

Bas yahin par sabhi maat kha gaye. Is tarah ke latake jhatakon se americano ki pau barah ho gayi hai. Yani is mandi mein bhi ve kama rahe hain, lekin doosaron ko barabad karake.

Saubhagya ki baat hai, ki apane desh mein in sab baaton ka bahut kam prabhav padega, isaka karan yah hai ki hamare paas natural resources yani prakratik sansadhan bahut bharpoor hain, jise koi bhi sensex chahe jitana bhi kam ho jaye, katai barbaad nahin kar sakata.

Kanya Bhrun Hatya

Bahut shor sharaba is bishaya par mach raha hai. Mukhya baat par kisi ka dhyan hi nahin hai.

 

Sahi baat yah hai, ki yah ek sakaji k samasya hai aur ise samaj hi suljhayega.

 

Mujhe neeche ingit ki gayi website par jane ka mauka mila. Ise padhakar mujhe laga ki, isme kuchch dam hai.

Aap bhi is web blog par jakar ise jaroor padhein.

http://www.larakiyan.wordpress.com

 

 

Bahut ho

Niche ki

larak